الرئيسية
هـــذه احــد قــصائــد المــحيــط الهـادي
الشاعـــر ... محـمد ابـن فـطـيس المــري
ياشين طبع فيك .... يازين الاطباع
لولا الرجاء ماخليته يفــــــــــــوت
سنع يشوه لاتذكرته أسنــــــــــــاع
مثل الحصاه اللى وسط عقد ياقوت
تخفي هيامك وانت ميت وملتاع
ماتدري انه في ملامحك منحوت
ويبخل لسانك وانت لسمع طماع
والبخل في سلم المحبين ممقوت
الحكي قوت السمع وأسماعي جياع
ومسامعي ماتت من الجوع للقوت
وحكي الغزل في صدرك اشكال وانواع
لكن صمتك حول الصدر تابوت
الا طلبتك وصل صعبت الاوضاع
مدري من اللى درسك جعله يمووت
تصد ماكنك من الصدر مرتاع
وأن قلت يالقاطع تلفت مبهوت
اقطع بدرب مواصلك في الشهر باع
والا انت تقطع في السنه فوت
طعني وطاوع واحد فيك ماطاع
ناس ضعاف عقول وأشوار وبخوت
والطف بحال اللى نحل حاله وراع
قلب جروحه تنزف افكار وبيــــــــوت
قلبي الى منه شرى قلب ماباــــــــع
وإنت هالله هالله فيه والعمر موقوت
اسمع اشعاري في الهوى وراخ الاسماع
ياللى غلاك بتربه القلب مكتـــوت
لا للفراق ولا لتجديد الاوجـــــاع
ونعم نعم للوصل لو كان بالصوت
